Мөфти Албир хәзрәт Кргановка!
Хөрмәтле Албир хәзрәт!
Сезне һәм "Мәскәү мөфтияте" әгъзаларын, Мәскәүдә яшәүче барча дин кардәшләребезне чын йөрәктән Корбан бәйрәме белән котлыйм.
Иман - иң элек Аллаһ Тәгаләгә ышану булса, икенчедән, тирә-яктагы кешеләргә карата игелекле, мәрхәмәтле һәм юмарт булуны күздә тота. Корбан бәйрәме - моның күркәм мисалы. Аллаһ Тәгалә чалган корбаннарыбызны, кылган догаларыбызны һәм игелекле гамәлләребезне кабул кылып, иманыбызга - ныклык, илләребезгә - иминлек, тормышыбызга бәрәкәт насыйп итсен иде.
«Ислам диненең иң камил чагылышы - сезнең бер-берегезгә генә түгел, хәтта белмәгән кешеләргә дә сәлам биреп сый-хөрмәт күрсәтү һәм мохтаҗларга ярдәм итү» дигән вәхи сүзләр безгә Ходай каршында иң күркәм гамәлнең ихластан игелек кылу икәнлеген аңлата.
Үзегезгә, гаиләгезгә, туганнарыгызга һәм барлык мөселманнарга исәнлек-саулык, җан тынычлыгы һәм уңышлар телим. Корбан гаете мөбарәк булсын!
Минтимер Шәймиев, Татарстан Республикасының беренче президенты